我：“其他人到齐拿？”

阿辉：“未ｂｏｒ。”

我：“车…咁洗鬼咁急咩…”

阿辉无言以对…係度笑。

一路行，我视线都望实阿辉，睇佢有无昅我条女，结果係无既。

行左无几耐，终于到左果间屋啦，係栋３层既大屋，真係几正喎。

阿辉就开门带我地入去，入到去，第一个反应就係”譁”。

个厅等于我成间屋，我谂一层差唔多成千尺。每层仲要有３间房。

我呆左係门口度：“譁…租咁大间？唔洗钱丫？”

阿辉就笑笑口：“梗係要钱啦，都贵架。不过值得架值得架。”

我望住佢：“咁几多钱丫？”

阿辉无望住我：“唉丫…放心，我俾得起，你两公婆尽情咁玩啦。”

（我心谂肯定上次得罪左我，今次向我赔罪啦。）我：“咁点係丫。多谢哂喎辉哥。”

阿辉笑得好勉强：“哈哈，我入厨房拎野俾你地饮先。”

于是阿辉就走左去厨房，阿怡一见到张sof，就飞埋去，两隻手摊开哂坐落去。

我就慢慢係间屋度睇，估唔到每间房都有个厕所，仲有张６尺大床，真係把炮。

突然阿辉係远处传黎声音：“喂，野饮到啦。”

我就行番去sof果边。

我留意到阿辉一路拎饮品，一路望住阿怡隻脚。

由于阿怡条裙咁鬼短，一坐底就算拉番好，都会睇哂成大大截大脾。

难怪佢一路行，一路望到实。

于是行到埋去，佢视线又望番第二度。

之后我係个盘度拎左杯橙汁。

阿辉突然阻止我：“喂…依杯唔係你架。”

我：“下？”

阿辉即係话：“橙汁你条女饮架嘛，你饮可乐啦。”

我望住佢：“你又知阿怡饮橙汁？”

阿辉面都青埋：“唉丫，上次ｂｂｑ我留意到丫嘛，阿怡就饮橙汁，你就….锺意….饮可乐丫嘛。”

我即係扮哂野咁，俾佢下台：“丫…果然好记性喎。”

(其实我由细到大饮可乐都唔超过十次，根本就完全唔锺意饮。)阿辉即係扮哂醒咁：“梗係啦。”

阿怡拎住杯野好甜咁笑：“唔该哂你丫，阿辉，你真係好好人丫。”

阿辉又笑笑口咁：“唔洗客气。”

咁我唯有拎杯可乐照饮啦。

于是阿辉好快急就拎番个盘返厨房。我就陪阿怡坐係sof度，一路饮，一路倾下计。本站随时可能失效记住:knqt.

收藏以备不时之需！！！